Последование иже во святых отца нашего Германа, Епископа Парижскаго, Галликанской Божественной литургии.

В редакции игумена Силуана (Туманова).

Премудрость прости..

Благословен Господь Бог Израилев, яко посетил и сотворил избавление людем Своим.

И воздвиже силу спасения нам, от корене Давидова Сына Своего. Якоже глагола усты святых Своих, от века пророк Его.

Спасение от враг наших и из руки всех ненавидящих нас.

Сотворити милость со отцы нашими, помянути Завет Святый Свой, клятву, еюже клятся ко Аврааму, отцу нашему, дати нам без страха, из руки враг наших избавльшимся.

Служити Ему преподобием и правдою пред Ним вся дни жития нашего. И ты, Отроча, пророк Вышняго наречешися, предъидеши бо пред лицем Господним, уготовати пути Его.

Дати разум спасения людем Его, во оставление грехов их.

Милосердия ради милости Бога нашего, в нихже посетил есть нас Восток с высоты, просветити во тьме и тени смертней седящим, направити ноги наша на путь мирен.

Диакон: Преклонитесь в молчании.

О, Солнце Правды, Христе Иисусе, Вечный Боже, нисшедый с небесе нашего ради спасения. Молим Тя: явися, Милостиве, душам нашим во причащении Тела и Крови Твоея, священныя и бескровныя жертвы, собери народ Твой, собравшийся в сей день памяти (имя святого или наимнование праздника) во святем храме сем, в Церковь Твою Святую, да отвергнув всякий грех и нечистоту, вознесем Тебе мольбы и благодарение, право шествуя стезею мира и любви, о Спасителю мира, живущий, господствующий и царствующий, яко Бог, со Отцем и Святым Духом во веки веков.

Хор: Аминь, и Трисвятое.

Диакон: В мире Господу помолимся.

Хор: Кирие элейсон (на каждое прошение).

Диакон: О мире всего мира, о благостоянии и соединении святых Божиих церквей Господу помолимся.

О Великом Господине и Отце нашем Святейшем Патриархе АЛЕКСИИ, и о Господине нашем Высокопреосвященнейшем Архиепископе …, о пастырях церковных, епископах, священниках, диаконах, (зде начальствующих, учащих и учащихся) о всем клире и народе христианском Господу помолимся.

О властях державы нашей Российской, да совершат они правление свое по правде и любви, Господу помолимся.

Помолимся Господу, да дарует нам благорастворение воздуха и изобилие плодов земных.

Помолимся о спасении путешествующих, больных, враждующих, плененных и всех страждущих.

О мире среди народов всея земли Господу помолимся.

О избавитися нам от всякого зла душевного и телесного Господу помолимся.

Помолимся Господу и о прощении прегрешений наших, да сподобит нас Бог жить свято и наследовать жизнь вечную.

Услыши, Господи, народ Твой, прославляющий в сей день (праздника, или памяти…) благоутробие Твое. Даруй пленным свободу, слепым прозрение, грешным прощение; яко Ты пришел еси спасти всех нас. С небесе святаго Твоего призри на нас и просвети народ Твой, иже всею душою верует в Тя, Спасителя мира, живущего и царствующего со Отцем и Святым Духом во веки веков.

Хор: Аминь.

Священник: Господь да будет с вами.

Хор: И со духом твоим.

Диакон: От (имя) святаго Евангелия чтение.

Хор: Слава Тебе, Господи.

Диакон: Господу помолимся.

Хор: Господи помилуй.

Почтим с радостию сей вожделенный день памяти (имя святого) и прославим (житие и еже во Христе успение) его. И да сподобит нас Господь по молитвам его достойно причаститися жертвы Своея и обогатит наитием Божественнаго Духа ради спасения нашего и обновления.

Аллилуиа. Избавление послал Господь людем Своим, заповедал на веки завет Свой. Свято и страшно Имя Его. Аллилуиа, аллилуиа, аллилуиа.

Да будет благоприятен величию Твоему, всемогущий вечный Боже, хлеб сей, егоже мы приносим Тебе за грехи и прегрешения наши, и за спасение всех православных христиан, чрез Христа, Господа нашего.

Во имя Отца + и Сына и Святаго Духа. Аминь. Приносим Тебе, Господи, чашу для благословения крови Христа, Сына Твоего, во спасение наше, чрез Христа, Господа нашего. Аминь.

Приношение сие, Господи, милостиво приими и грехи всех приносящих, и за них же приносится сие, прости, чрез Христа, Господа нашего. Аминь.

Всех вас, благочестивых и православных христиан, да помянет Господь Бог во Царствии Своем, всегда ныне и присно и во веки веков.

Со смирением и сокрушением молим Тя, Господи Боже: да будет жертва наша благоугодна Тебе. Прииди, Святый Душе, Освятителю, и освяти жертву сию, недостойными руками моими уготованную Тебе, да вознесется она пред очами величия Твоего, яко кадило благовонное, чрез Христа, Господа нашего. Аминь.

Помогите мне, братия, вашими молитвами.

Хор: Господи, помилуй.

Прииди, Всемогущий Освятителю, вечный Боже, и освяти жертву сию, уготованную Тебе, Отцу и Сыну и Святому Духу во веки веков.

Хор: Аминь.

Помянем в молитвах святую соборную Церковь, да сподобит милосердый Господь возрасти ей в вере и надежде, и любви. Наипаче помянем плененных, болящих, путешествующих, да свободит их милосердый Господь, исцелит и сохранит.

Хор: Даруй сие, вечный, всемогущий Боже.

Диакон: Господи Боже всемогущий, очисти души наша до глубины их и по милосердию Твоему омой нас от всех прегрешений наших.

Хор: Аминь.

Диакон: По милосердию Твоему, даруй нам прощение грехов наших, Боже наш, пред Которым мы поминаем имена апостолов, мучеников, исповедавших Тя, и девственников.

Хор: Аминь.

Диакон: Священники наши приносят жертву Господу Богу; Святейший Патриарх АЛЕКСИЙ, Архиепископ наш … и все епископы приносят ее за себя и за клир свой, и за народы церкви их. Равно приносится жертва сия (всечестным отцом нашим протоиереем … с братией святаго храма сего, зде начальствующими учащимися и учащими) священниками, диаконами, причтом и верующими, зде предстоящими, и рабами Твоими (имена) .

Хор во время чтения записок: Приносим жертву сию за себя и за всех сродников наших.

Диакон: Помянем блаженных апостолов и мучеников, Преславную Марию Приснодеву, Захарию, Иоанна, младенцев Вифлеемских, Петра, Павла, Иоанна, Иакова, Андрея, Филиппа, Фому, Варфоломея, Матфея, Иакова, Симона и Иуду, Матфия, Марка и Луку.

Хор: И всех святых, и мучеников.

Воспомянем и души усопших в мире рабов Божиих (имена) .

Хор во время чтения записок: И всех, усопших в мире.

Господи Иисусе, Боже Всемогущий, прими жертву хвалы, приносимой нами Тебе в сей день памяти (имя) , услыши нас и милостив буди к живущим, и даруй вечный покой усопшим, имена которых мы изрекли устами и помышлением, славословя Тя, Спасителя мира, живущего и царствующего с совечным Твоим Отцем и Святым Духом во веки веков.

Хор: Аминь.

Благодать всемогущего Бога Отца, мир и любовь Господа нашего Иисуса Христа и причастие Святаго Духа + да будет со всеми нами.

Хор: И со всеми, в них же благоволение.

Подавайте целование любви и мира, да готовы будем к принятию святых Таин Божиих.

Хор: Мир Мой даю вам, мир оставляю вам; не якоже мир дает, Аз вам даю мир.

Канонарх: Заповедь новую даю вам, да любите друг друга.

Хор: Мир Мой даю вам…

Канонарх: Слава и честь Отцу и Сыну и Святому Духу, во веки веков, Аминь.

Хор: Мир Мой даю вам…

Помолимся. Боже всемогущий и вечный, в таинстве воплощения Своего упразднивший разделение греха и ставший причастником нашего человечества. Даруй народу Твоему в сей радостный праздник (имя) сподобиться с небесными жителями единения, исповедая благодать Твоего вочеловечения. Да приветствуя друг друга внешними объятиями мира, на Тя взирающе и Тя имея Образом истинной любви, отвергнем всякий дух лукавства и разделения. Даруй нам сие, Христе, со Отцем и Святым Духом живущий и царствующий во веки веков.

Хор: Аминь, и поёт Символ веры.

Внемлем Господу.

Хор: Слухом внемлем ко Господу.

Горе вознесем сердца.

Хор: Вознесем ко Господу.

Вознесем достойные хвалы и достойные благодарения Богу и Господу нашему Иисусу Христу, сущему на небесех.

Хор: Достойно и праведно вознести ко Христу.

Воистину достойно и праведно, должно и спасительно возносить благодарение Тебе, святый Господи, всемогущий Отче, вечный Боже, прославляя преподобных и праведных, и всех святых, благоугодивших Тебе.

Хор: Свят, Свят, Свят Господь Всемогущий! Полны суть небеса и земля величества славы Твоя. Осанна сыну Давидову. Благословен грядый во имя Господне. Осанна в вышних.

Сего ради ныне мы, со всеми небесными силами ликующе, воспоминаем все, еже о нас бысть смотрение: Предвечный Совет, мира творение, рая сладость, падение праотцев, обетование спасения; народа Твоего, Израиля, чаяние и пророков ожидание, и новаго Твоего Израиля, Церкви Твоей Святой, упование — Господа нашего Иисуса Христа, Иже пред днем добровольного предания Себя в жертву за спасение всех, взяв хлеб, благословил его, + преломил его и дал его ученикам Своим, говоря:

(громче) «ПРИИМИТЕ, ЯДИТЕ, СИЕ ЕСТЬ ТЕЛО МОЕ, ЗА ВАС ПРЕДАВАЕМОЕ».

Хор: Аминь.

Всякий раз, когда вы будете есть его, творите сие в Мое воспоминание.

Хор: Аминь.

Также после вечери Он взял чашу, говоря: «СИЯ ЧАША + ЕСТЬ ЧАША НОВАГО ЗАВЕТА В МОЕЙ КРОВИ, ЗА ВАС И ЗА МНОГИХ ИЗЛИВАЕМОЙ ВО ОСТАВЛЕНИЕ ГРЕХОВ».

Всякий раз, когда вы будете пить из нея, творите сие в Мое воспоминание.

Хор: Аминь.

«Всякий раз, когда вы будете есть от хлеба сего и пить из чаши сей, будете возвещать смерть Господню, В ВОСПОМИНАНИЕ СВЕТА, + ПРИШЕДШАГО К НАМ С НЕБЕС!

Хор: Аминь.

Воспоминая преславное страдание Сына Твоего и воскресение из мертвых, приносим Тебе, Господи, сию непорочную жертву, сей святый хлеб и спасительную чашу, и усердно молимся: Да снизойдет на нас дар древнего милосердия Твоего, да будет приношение сие от плодов земли жертвой духовною. Излей на дары сия Духа Твоего Святаго, Утешителя, совечного и содействующего в благословении Твоем. Приими и благослови +, и освяти, и преложи жертву сию, в Тело + и Кровь + Господа и Бога нашего Иисуса Христа, Единородного Сына Твоего.

Хор протяжно поёт: Аминь.

И да будет жертва сия нам законной евхаристией, благоугодной Тебе, яко кадило благовонное, дарующей нам, достойно вкушающим сие, оставление грехов, вечную жизнь и царство. Ты бо вся творишь, сотворенное благословляешь, благословенное освящаешь, освященное подаешь, нас же хранишь, рабов Твоих, Боже, в Троице живущий и царствующий во веки веков.

Хор: Аминь.

Отче Святый! Не на свои заслуги надеясь, но смиренно повинуясь повелению Господа нашего Иисуса Христа, Сына Твоего, дерзаем говорить:

Боже всемогущий! Избави нас от всякаго зла и губительства, настави же нас на всякое доброделание, да делами нашими прославим Тя, Бога, живущего и царствующего во веки веков.

Хор: Аминь.

Мир, вера, любовь и причастие Тела и Крови Господни да будут всегда с вами.

Хор: Аминь.

Господи, прости нам грехи наши, даруй радость угнетенным, свободу плененным, здравие больным, покой усопшим. Подай нам мир и покой во вся дни жизни нашея; сокруши дерзость врагов наших и услыши, Боже, молитвы рабов Твоих, всех верных христиан, в сей день и во всякое время, чрез Господа нашего Иисуса Христа, Сына Твоего, Иже с Тобою во единстве Святаго Духа живет и царствует во веки веков.

Хор: Аминь.

Победил Лев из колена Иудина, Ветвь от корене Давидова. Аллилуиа.

Хор: Ветвь от корене Давидова, Седящий на Херувимех. Аллилуиа.

Святое святым, и причастие тела Господа нашего Иисуса Христа да будет нам принимающим и пиющим во оставление грехов, а усопшим верным в покой.

Преклонитесь для благословения.

Господь да будет с вами.

Хор: И со духом твоим.

Единородный Сын Божий, не возгнушавшийся искупить нас ценою собственной Крови Своея да просветит + вас светом пришествия Своего.

Хор: Аминь.

Да облечет + Он вас добродетелями мира и обогатит вас обильными Своими дарами!

Хор: Аминь.

Да будет всегда вашим хранителем Господь + , Лев из колена Иудина, Егоже послал Отец, Милосердный и всемогущий!

Хор: Аминь.

Помолимся. Господи, Боже мой, даруй мне достойно принять Тело и Кровь Сына Твоего, Господа нашего Иисуса Христа, да получу оставление всех моих грехов и исполнюсь Святаго Духа Твоего, Боже наш, живущий и царствующий во веки веков.

Хор: Аминь.

Вкусите и видите, яко Благ Господь. Аллилуиа (трижды).

Благословлю Господа на всякое время, хвала Ему непрестанно во устах моих. Аллилуиа (трижды).

Избавит Господь души раб Своих, и не прегрешат вси уповающии на Него. Аллилуиа (трижды).

Слава и честь Отцу и Сыну и Святому Духу во веки веков. Аминь. Аллилуиа (трижды).

Радуйся во веки, святейшая Плоть Христова, вечная и высшая сладость. Хлеб небесный с трапезы Господней прииму и имя Господне призову. Аминь.

Тело Христово, Аминь.

Радуйся во веки, святейшая Кровь Христова, небесное питие, вечная и высшая сладость, услаждающая мя прежде и превыше всего. Чашу спасения прииму и имя Господне призову. Аминь.

Кровь Христова, (чаша жизни). Аминь.

Священник после причащения мирян сразу относит Чашу и дискос на жертвенник и потребляет Дары. Затем встает перед престолом, сворачивает антиминс, полагает на него Евангелие и произносит*:

Помолимся. Благодарим Тя, Господи Святый Отче всемогущий, вечный Боже, насытивший нас небесною пищею и насладивший питием вечной жизни — причащением Тела и Крови Христа, Сына Твоего, и смиренно молим Тя, милосердный Боже: да не будет нам таинство сие во осуждение, но ко очищению, спасению и прощению, омовению грехов, укреплению немощей, ограждению от плотских похотей и козней вражиих.

То же, что мы приняли устами, да восприимем умом, и да соделает нас причастие сие причастниками небесной радости, и да будет оно нам врачеством вечным чрез Господа нашего Иисуса Христа, Сына Своего.

Хор: Аминь.

Священник благословляет народ:

Да пребудет с вами Милосердый Бог, Господь Вседержитель, Отец + и Сын + и Дух Святый +.

Хор: И со духом твоим.

Диакон: Литургия закончилась во имя Господа нашего Иисуса Христа. С миром изыдем!

Хор: Благодарение Богу.