Последование Божественной литургии иже во святых отца нашего Амвросия, Епископа Медиоланского

Священник: Подойду к престолу Божию.

Хор: К Богу, веселящему юность мою.

Священник: Исповедайтеся Господеви, яко благ.

Хор: Яко в век милость Его.

Священник: Исповедаю Богу Отцу Всемогущему и пред вами, братия, яко согрешил аз премного словом и делом, мыслию и нерадением, ведением и неведением и всеми моими чувствы. Сего ради молю вас, братия, молитеся о мне ко Господу и Богу нашему Иисусу Христу.

Все: Да помилует тебя Всемогущий Бог и, отпустив грехи твои, да приведет тебя к жизни вечной.

Священник: Аминь. Да помилует и вас Всемогущий Бог и, отпустив грехи ваши, да приведет вас к жизни вечной.

Все: Аминь.

Священник: Прощение, разрешение и отпущение грехов наших благодатию Святаго Духа да подаст нам всемогущий и милосердый Бог.

Все: Аминь.

Священник: Помощь наша во имени Господа.

Хор: Сотворшаго небо и землю.

Священник: Да будет имя Господне благословенно.

Священник тихо молится перед входом в алтарь:

Молю Тебя, всевышний Боже Саваоф, святый Отче: сподоби мя ныне облечься во одежду непорочности и препоясати чресла моя поясом любви и страха Твоего, и воспламенити изгибы сердца моего любовию к Тебе, да умолю Тебя за грехи мои и испрошу прощение грехов предстоящих, и принесу жертвы мирные за коегождо из нас.

И мене, дерзающаго приступити ко святому алтарю Твоему, не попусти погибнути, но очисти, украси и благосклонно приими чрез Христа Господа нашего.

Господь с вами.

Хор: И со духом твоим.

Боже, Творче и Управителю мира, даруй нам в день сей (памяти) (наименование праздника или святого дня) непорочно совершити торжество Тела и Крови Сына Твоего, да быти нам, искупленным по милости Твоей, неврежденным под покровом Твоим, и вся благовременная прошения наша, по коегождо своей потребе улучити чрез Господа нашего Иисуса Христа, Иже с Тобою живет и царствует, яко Бог, во единстве Святаго Духа, во веки веков.

Хор: Аминь.

Господь с вами.

Хор: И со духом твоим.

Диакон: В мире Господу помолимся.

Хор: Господи помилуй (на каждое прошение).

Диакон: О мире всего мира, о благостоянии и соединении святых Божиих церквей Господу помолимся.

О Великом Господине и Отце нашем Святейшем Патриархе АЛЕКСИИ, и о Господине нашем Высокопреосвященнейшем Архиепископе …, о пастырях церковных, епископах, священниках, диаконах, (зде начальствующих, учащих и учащихся) о всем клире и народе христианском Господу помолимся.

О властях державы нашей Российской, да совершат они правление свое по правде и любви, Господу помолимся.

Помолимся Господу, да дарует нам благорастворение воздуха и изобилие плодов земных.

О примирении враждующих, спасении плененных, возвращении путешествующих, исцелении болящих и о всех страждущих и чающих Христова утешения Господу помолимся.

О еже сохранитися миру среди народов всея земли и о избавитися нам от всякаго зла Господу помолимся.

Помолимся Господу, и да простит нам прегрешения наши и сподобит нас жити свято и войти в жизнь вечную.

Услыши, Господи Иисусе Христе, усердное моление народа Твоего, собравшагося в Церковь Твою Святую в сей день памяти (имя) воспевати хвалы и славословия Тебе.

Не презри нас в нуждах наших: даруй пленным свободу, слепым прозрение, грешным прощение и вся, по коегождо своей потребе, яко пришел еси спасти всех нас.

С небесе святаго Твоего призри на нас и просвети народ Твой, души бо наши истинно веруют в Тебя, Спасителя мира, живущего и царствующего со Отцем и Святым Духом во веки веков.

Хор: Аминь.

Господь с вами.

Чтец: И со духом твоим. Пророчества (имя) чтение.

Священник: Пророческое чтение да исполнит нас божественною благодатию во имя Отца + и Сына и Святаго Духа.

Диакон: Вонмем.

Господь с вами.

Чтец: И со духом твоим. Послание Святаго Апостола (имя) ко (имя) чтение.

Священник: Апостольское чтение да будет нам наставлением ко спасению, во имя Отца + и Сына и Святаго Духа.

Диакон после чтения: Вонмем.

Священник: Господь с вами.

Диакон: И со духом твоим. От (имя)святаго Евангелия чтение.

Священник: Евангельскими словами да истребятся наши согрешения, во имя Отца + и Сына и Святаго Духа.

Господь с вами.

Хор: И со духом твоим.

Диакон: Воспоем вси усердно, от всея души и от всего помышления нашего: Господи, помилуй.

Господи Боже Вседержителю, Пренебесне Боже наш и отец наших, скоро услыши и помилуй.

Еще молимся о здравии и спасении Отца и Иерарха нашего …, Архиепископа богоспасаемаго града сего …, и о еже умножитися ему лета жития его, да в мире и любви право правит слово Христовой истины.

Еще просим, Господи: даруй властям державы нашей Российской мудрость и благочестие, да совершат дело правления своего по правде и любви, на пользу и спасение воинства и страждущего народа нашего. Молимся все усердно: Господи, помилуй.

{Еще молимся о всечестнем отце нашем протоиерее …, исполни, Господи, мудростью дела молитвы и правления его на пользу благую братии и прихожан святаго храма сего.}

Рцем и о зде начальствующих, учащих и учащихся, о вразумлении их и о еже просветити разум их к послушанию и учению церковному, а сердце ко благочестию и мудрости — усердно молимся, услыши и помилуй.

Еще молимся, и о еже избавитися им и нам от всякия скорби, гнева, беды, глада и нужды, пленения и нашествия врагов, горькия и внезапныя смерти.

Священник: Исполни, Господи, прошения наша, и аще чего по неразумию просим, прости нас и помилуй, вся же нужная ко спасению во благовремении подай: старых поддержи, юныя настави, страждущих утеши, трудящихся и подвизающихся укрепи, учащихся просвети, воином споборствуй, путешествующим спутешествуй, заблуждающихся вразуми и всех предстоящих людей, ожидающих от Тебе великия и богатыя милости, помилуй и спаси.

Яко Ты Бог милости и щедрот и человеколюбия еси, и Тебе славу воссылаем, Отцу и Сыну и Святому Духу, ныне и присно и во веки веков.

Хор: Аминь.

Священник: Мир всем.

Хор: Мир Твой, Господи.

Священник: Господь с вами.

Хор: И со духом твоим.

Се, отверзеся храм ковчега Завета, / и нисходит с неба Новый Иерусалим,/ в нем же пребывает жилище Бога и Агнца, / и слуги Его приносят Ему дары, глаголюще //: Свят, Свят, Свят Господь Бог Вседержитель, / иже бе и сый, и грядет. Восседает посреде его / на престоле величества своего Агнец, / и глас возглашает пред Ним, глаголя: / победил лев от колена Иудина, корень Давидов; / и животна четыре непрестанно взывают /к Сидящему на престоле//: Свят, Свят, Свят Господь Бог Вседержитель, / иже бе и сый, и грядет.

Боже, Боже, сообщивый благодать Твоего достоинства естеству человеческому, сподоби нас причастниками быти божества Сына Твоего, ставшего причастником нашей тленности.

Сына, с Тобою живущего и царствующего, яко Бог, во единстве Святаго Духа, во веки веков. Аминь.

Приими, милостивый Отче, сей святый хлеб, да соделается он телом Единороднаго Cына Твоего, во имя Отца + и Сына + и Святаго Духа +. Аминь.

Потом вливает вино и воду в чашу трижды крестообразно, говоря: Из ребра Христова истекла кровь и вода, во имя Отца + и Сына + и Святаго Духа +. Аминь.

Прими, милостивый Отче, сию чашу, да соделается вино, смешанное с водой, Кровию Единородного Сына Твоего, во имя Отца + и Сына + и Святаго Духа +. Аминь.

И приими, Всесвятая Троице, приношение сие наше об устроении и сохранении во единстве православной веры христианской, и о спасении и благостоянии рабов Твоих, зде предстоящих и молящихся, (здесь священник читает имена по диптихам (запискам) о здравии) и всех, заповедавших нам, недостойным, молитися Тебе за них и ихже приношение мы прияхом. И всех верных христиан живых и усопших помяни, Господи, да сподобятся по милосердию Твоему получити прощение всех грехов своих и награды вечного блаженства, верно пребывая в хвале Твоей, к славе и чести имени Твоего, Боже милостивейший, Творче всего сущего, чрез Христа, Господа нашего.

Всех вас, благочестивых и православных христиан, да помянет Господь Бог во Царствии Своем, всегда, ныне и присно и во веки веков.

Благословение Бога Всемогущего + Отца и + Сына и + Святаго Духа обильно да снидет с небесе на сие приношение наше, и да будет сие приношение благоприятно Тебе, Святый Господи, Всемогущий Отче, вечный Боже, милосердый Создателю всего сущего.

Господь с вами.

Хор: И со духом твоим.

Господь с вами.

Хор: И со духом твоим.

Молим, Господи, да будет благоприятно Тебе приношение сие в день сей святый памяти (имя святого или праздника) , да по благости Твоей чрез причащение святых даров сих сподобимся быти во образе Христовом, в Нем же, веруем мы, и наше естество пребывает, иже с Тобою живет и царствует, яко Бог, во единстве Святаго Духа, во вся веки веков.

Хор: Аминь.

Священник: Господь с вами.

Хор: И со духом твоим.

Священник: Вознесем сердца.

Хор: Возносим ко Господу.

Священник: Возблагодарим Господа.

Хор: Достойно и праведно.

Священник: Воистину достойно и праведно, преподобно и спасительно всегда и везде благодарити Тя, святый Господи, всемогущий Отче, вечный Боже, чрез Господа нашего Иисуса Христа, воплотившагося спасения нашего ради, Его же восхваляют бесчисленные сонмы и воинства Ангелов, с ними же и мы воспеваем неизреченную славу Твою, (благословляет звездицей крестообразно дискос) непрестанно взывая:

Хор: Свят, Свят, Свят, Господь Саваоф, исполнь небо и земля славы Твоея, осанна в вышних. Благословен грядый во имя Господне, осанна в вышних.

Священник: И ныне усердно молим Тебя, милостивый Отче, и просим чрез Иисуса Христа, Сына Твоего, Господа нашего, приими и благослови сии дары, сии приношения, сию святую непорочную жертву, приносимую Тебе за святую Твою соборную Церковь. Умири, огради, соедини и управи ю во всем мире — вкупе со служителями Твоими, Патриархом нашим АЛЕКСИЕМ и Архиепископом нашим … и со всеми православными и исповедниками соборной и Апостольской веры.

Помяни, Господи, рабов Твоих: [всечестнаго отца нашего протоиерея … с братией и прихожанами святаго храма сего, зде начальствующих, учащих и учащихся, и ] всех зде предстоящих и молящихся, ихже вера известна и благочестие Тебе ведомо, за нихже приносим Тебе жертву хваления, за себя и всех ближних наших, за избавление душ наших, за надежду спасения и благоденствия нашего.

Хор: Помяни, Господи Боже наш.

В общении со святыми, прежде ублажим Преславную Владычицу нашу Богородицу и Приснодеву Марию, Матерь Господа и Бога нашего Иисуса Христа, и святых апостолов и мучеников твоих, Петра и Павла, Андрея, Иакова, Иоанна, Фомы, Иакова, Филиппа, Варфоломея, Матфея, Симона и Фаддея, (здесь поминается святой дня) Амвросия Медиоланского и всех святых Твоих, их же молитвами да ограждены будем во всем помощью Твоего покрова, чрез Христа Господа нашего.

Хор: Аминь.

Молим Тя, Боже наш, да будет приношение сие преблагословенно, достойно и благоприятно, и да будет оно нам Телом и Кровию возлюбленнаго Сына Твоего, Господа нашего Иисуса Христа.

Хор поёт большое: Аминь.

Омывает руки у края престола, тихо говоря: Умыю в невинности руце мои и подойду к престолу Твоему, Господи, да услышу глас хваления Твоего и возвещу вся чудеса Твоя.

Господь наш Иисус Христос пред днем оным, егда нашего ради и всех спасения пострадал, взяв хлеб во святыя и непорочныя руце Свои, возвел очи к небесам, к Тебе, Богу Отцу Своему Всемогущему, благодарив, благословил, преломил, даде святым своим учеником и апостолам, рек: «ПРИИМИТЕ И ЯДИТЕ ОТ НЕГО ВСИ, СИЕ БО ЕСТЬ ТЕЛО МОЕ, ЕЖЕ ЗА ВАС И ЗА МНОГИХ ЛОМИМОЕ».

Хор: Аминь.

Священник: Подобно и чашу после вечери взяв, возвел очи к небесам, к Тебе, Богу Отцу Своему всемогущему, благодарив, благословил и подал апостолам и ученикам Своим, рек: «ПРИИМИТЕ И ПИЙТЕ ИЗ НЕЯ ВСИ, СИЯ БО ЕСТЬ КРОВЬ МОЯ»,

Хор: Аминь.

Священник: заповедал так и сказал им:

«ВСЯКИЙ РАЗ, ЕГДА БУДЕТЕ ТВОРИТИ СИЕ, ТВОРИТЕ В МОЕ ВОСПОМИНАНИЕ, ВОЗВЕЩАЯ СМЕРТЬ МОЮ, ИСПОВЕДАЯ МОЕ ВОСКРЕСЕНИЕ, ОЖИДАЯ ПРИШЕСТВИЯ МОЕГО, ЕГДА АЗ ПАКИ С НЕБЕСЕ ПРИИДУ К ВАМ».

Священник: И ныне, вспоминая преславное страдание Его и воскресение от преисподних, и вознесение на небо, приносим Тебе жертву сию непорочную, жертву разумную, жертву бескровную, сей святый Хлеб и сию Чашу Жизни вечной.

И просим, и молим, приими приношение сие на горний Твой престол руками Ангелов Твоих, яко Ты благоволил еси прияти дары праведного раба Твоего Авеля и жертву патриарха нашего Авраама и первосвященника Твоего Мелхиседека.

Все: Аминь.

Все: Аминь.

Иерей: Да будет всем, иже от них причащающимся, во оставление грехов и в жизнь вечную.

Все: Аминь.

Иерей: Во освящение душ и телес.

Все: Аминь.

Иерей: В плодоношение дел благих.

Все: Аминь.

Все: Аминь.]

Еще помяни Господи, усопших рабов Твоих (чтение имен усопших по диптихам) , со знамением веры предваривших нас и покоящихся сном мира. Молим Тебя, Господи, даруй им и всем, упокоившимся во Христе, место прохлады, света и мира чрез Христа, Господа нашего.

Хор: Аминь.

И нам, смиренным и грешным рабом Твоим, уповающим на множество милости Твоея, благоволи даровати часть и общение со святыми Твоими апостолами и мучениками, не яко воздаяние за дела наша, но яко милость Твою чрез Христа, Господа нашего.

Хор: Аминь.

Чрез Него же Ты, Господи, всегда твориши вся благая сия, + освящаешь, + животворишь, + благословляешь и обильно подаешь нам, рабом Твоим, к укреплению веры и прощению всех грехов наших.

+ Чрез Него и + с Ним и + в Нем Тебе, всемогущему Богу Отцу, в единстве Святого Духа, всякая честь, сила и слава, держава, + бессмертие + и власть + в бесконечные веки веков.

Хор: Аминь.

Тело Твое раздробляется, Христе, и Чаша благословляется. Кровь Твоя да будет нам всегда к жизни и ко спасению души, Боже наш.

Соединение освященного Тела + и Крови + Господа нашего Иисуса Христа да будет нам, вкушающим, жизнью и радостью вечной.

Хор: Аминь.

Спасительными заповедями наученные и божественным наставлением руководимые, со дерзновением глаголем:

Священник: Яко Твое есть Царство и сила, и слава Отца и Сына и Святаго Духа, ныне и присно и во веки веков.

Хор: Аминь.

Избави нас, молим Тебя, Господи, от всех зол прошедших, настоящих и будущих, и предстательством Преславной Приснодевы и Богородицы Марии со святыми апостолами Твоими Петром и Павлом, Андреем и Иаковом и Амвросием, исповедником Твоим и архиереем, и всеми святыми твоими: умири, Милостиве, дни наши, да укрепляемые помощию милосердия Твоего от греха освободимся, хранимыя от всякого смятения, чрез Господа нашего Иисуса Христа, с Тобою живущего и царствующего, яко Бог, во единстве Святаго Духа, во вся веки веков.

Хор: Аминь.

Мир и причастие Господа нашего Иисуса Христа да будет всегда с вами.

Хор: И со духом твоим.

Возлюбим друг друга.

Хор: Благодарение Богу.

Мир на небеси, мир на земли, мир во всяком народе, мир пресвитером церковным, мир Христа и Церкви да будет всегда с нами.

(Громко) Господу помолимся.

Хор: Господи, помилуй.

Священник громко читает молитвы пред причащением: Господи Иисусе Христе, рекший апостолом Твоим: «Мир Мой оставляю вам, мир Мой даю вам», не призри на грехи моя, но на веру Церкви Твоей, и по воле Твоей благоволи примирити ю и соединити во Христе, живущий и царствующий во веки веков.

Хор: Аминь.

Священник: Господи Иисусе Христе, Сыне Бога живаго, по воле Отчей, при содействии Духа Святаго оживотворивый мир смертию Твоею, избави мя чрез сие святейшее Тело и Кровь Твою от всех неправд моих и всех зол, и сотвори, да поучуся присно заповедем Твоим, и не попусти мне никогдаже отступити от Тебе, с Богом Отцом и Духом Святым живущего и царствующего, яко Бог, во веки веков.

Хор: Аминь.

Священник: Причащение Тела и Крове Твоея, Господи Иисусе Христе, еже аз, недостойный прияти желаю, да не будет мне в суд или во осуждение, но да будет в ограждение и исцеление души и тела по благости Твоей.

* Здесь можно закрыть Царские врата и завесу.

Священник раздробляет копием вторую малую часть св. Хлеба на количество причащающихся священнослужителей. Творит обычные поклоны и, приняв в ладони Тело Христово, произносит:

Святый Господи, всемогущий Отче, вечный Боже, даруй мне прияти Тело сие Иисуса Христа, Сына Твоего и Господа моего, и да не будет оно мне во осуждение, но во оставление всех грехов моих.

Даруй, молю Тебя, Боже, да причащение Тела и Крови Господа нашего Иисуса Христа, благоволившего пролити ю за ны, очистит нас от всякия нечистоты греха и приведет нас к жизни вечной. Аминь.

Благодарение Богу, благодарение Богу! Да будут нам принятые дары Христовы по благодати Божией не во осуждение, но во спасение души, Боже наш. Утверди свершившееся в нас, Боже, и даруй Церкви Твоей спокойствие и мир.

Да вознесется, Господи, молитва наша пред престолом величества Твоего, и да не возвратится тщетным к нам моление наше. Господи, услыши молитву нашу и глас наш к Тебе да приидет чрез Христа, Господа нашего.

Со страхом Божиим, верою и любовию приступите.

Хор: Благословен грядый во имя Господне, Бог Господь и явися нам.

Тело Христово,

Кровь Христова.

Миряне отвечают: Аминь.

Во время причащения хор поет причастен: Радуйся и веселися, Селение Ангелов. Радуйся, Дева Господня, радость пророков. Радуйся, благословенная, Господь с тобою. Радуйся, получившая чрез Ангела радость всему миру. Радуйся, родившая Творца и Господа. Радуйся, достойная быти Материю Христовою. Аллилуия.

Господь с вами.

Хор: И со духом твоим.

Благодарим Тя, Христе Боже наш, и устами, и всем сердцем нашим, яко и в настоящий день светлого сего торжества паки сподобил еси нас причащения Святых и Божественных, и спасительных Твоих Таинств и соединил еси нас, грешных, Телом и Кровию Твоею в Церковь святую Твою.

Соблюди нас, Отче и Владыко, во Твоей святыне до конца дней наших и да будет нам причащение сие во обновление и исцеление души и тела, в просвещение сердца и разума нашего, во отгнание всякаго врага и супостата.

И да сподобимся по исходе от земной жизни нашей вечнаго причащения Тебе, Христа и Бога нашего, в невечернем дне Царствия Твоего, идеже Ты присно живеши и царствуеши во единстве со Отцем и Святым Духом, ныне и присно и во веки веков.

Господь с вами.

Хор: И со духом твоим. Господи, помилуй (трижды) .

Да благословит и услышит нас Бог.

Хор: Аминь.

Священник: С миром изыдем.

Хор: Во имя Христово.

Священник: Благословим Господа.

Хор: Благодарение Богу.

Да будет благоугодно Тебе, Святая Троица, смирение рабов Твоих, и сотвори жертву сию, принесенную нами недостойными пред очами Твоими, Тебе благоприятной, а нам же и всем православным христианам спасительной по милости Твоей, чрез Христа Господа нашего.

Хор: Аминь.

Да благословит вас Всемогущий и Человеколюбивый Бог, + Отец и + Сын и + Дух Святый.

Хор: Аминь.

Священник: Господь с вами.

Хор: И со духом твоим.

Хор после чтения: Благодарение Богу.